Dowladda Soomaaliya iyo Jubaland oo iska kaashanaya sidii loo damin lahaa Colaadda Degmada Luuq.
Wasiirka Amniga Gudaha Xukuumadda Federaalka Soomaaliya Mudane Cabdullaahi Sheekh Ismaaciil (Fartaag) ayaa sagootiyey wafdi uu hoggaaminayo Madaxweyne ku-xigeenka 1-aad ee Jubbaland Mudane Maxamuud Sayid Aadan oo isugu jira Wasiirro iyo Xildhibaanno heer federaal iyo heer Dowlad goboleed, kuwaas oo ku baxay daminta dagaal beeleedkii ka dhacay degmada Luuq ee gobolka Gedo.
Wasiirka ayaa Alle uga baryey in uu ku guuleeyo sidii xal loo kala dhex dhigi lahaa dadka walaalaha ah ee ku dagaallamaya, isaga oo ugu baaqay dhinacyada halkaas ku diriray in ay colaadda nabadda ku badalaan.
