Hogaamiyaha Dowlad goboleydka Juba-land Axmed Madoobe Axmed Maxamed Islaam ayaa booqasho howleed u jeedkeedu yahay ogaanshaha xogaha bani’aadannimo ee dalka ka jira ku yimid xarunta dhexe ee Hay’adda Maareynta Musiibooyinka oo uu ku soo dhaweeyay Guddoomiyaha Hay’adda Maxamuud Macallin Cabdulle.

Madaxweynaha ayaa lala wadaagay warbixin guud oo la xariirta howlaha iyo waajibaadka hay’adda, saameynta taban ee is-beddelka cimiladu ku leedahay dalkeenna, cabsida laga qabo duufaanta Laly oo sare u sii kacaysa iyo dadaallada gargaar ee SoDMA ka waddo dalka, gaar ahaan gobollada Jubbaland.

Kulankan xog-siinta iyo soo dhaweynta ah waxaa sidoo kale qeyb ka ahaa, Guddoomiye ku xigeenka Hay’adda, la-taliyayaal iyo marti-sharaf heerkeedu sarreeyo, wuxuuna Madaxweynahu si weyn u bogaadiyay howlaha hay’addu u heyso dadka Soomaaliyeed ee nugul, isagoo ka mahadceliyay arrimaha samafal ee ka socda degaannada Jubbaland, sidoo kale wuxuu ugu baaqay asagoo yiri “Dabeylo ilaa Tanzania soo socda ayaa soomaaliya ku soo wajahan, dad waxaan leeyahay saadaasha la idiin sheego siday tahay u qaata”
Sidoo kale Godoomiyaha Hay`adda SODMA oo hadlay ayaa yiri “waxaan hadda indha ku heynaa dufaan dabcan dalka soomaaliya dhibaato weyn u geysato aan ka baqeyno alaha hanaga haayee, qaasatan deegaanada Juba-land”
Booqashada Hogaamiyaha Juba-land ayaa imaaneyso ayadoo hey`adda SODMA ay soo saartay Cabsi laga qabo digniino Duufaan la xariira.

Share.
Leave A Reply