Maxaa ka Jira in Maxaabiis Ku Eedeysanaa Maandooriye in ay ka baxsadeen saldhig ku yaala magaalda Garoowe.
Taliyaha Saldhiga bari ee Caasimadda Garoowe K/S Cabdikaafi Mursal Maxamuud ayaa waxba kama jiraan ku tilmaamay wararka ku saabsan in ay saldhiga bari ee Garoowe ka baxsadeen maxaabiis ku eedaysan maandooriye.
“Waxaan rabaa halkaan in aan ka caddeeyo warar been abuur ah oo maanta baraha bulshada la is dhexmarayay oo ah in maxaabiis ku eedaysan maandooriye ay naga fakadeen. Warkaasi waa waxba kama jiraan , wax maxaabiis ah iyo wax dad ah oo haba yaraatee naga fakaday ma jiraan” ayuu yiri K/S Cabdikaafi Mursal Maxamuud.
Hadalka Taliyaha ayaa imaanaya saacado kadib markii ay baraha bulshada ku faafeen warar la xiriira in maxaabiis ku eedaysan maandooriyaha khamriga oo dhawaan la soo qab-qabtay ay ka baxsadeen saldhiga bari ee magaalada Garoowe.
