Dowlad Gobeledka Puntland ayaa isu diyaarinaysa in ay Kal-fadhiga Baarlamaanka ka ansixiso heshiiska wareejinta dekedda Garacad oo uu todobaadkan Dubai ku saxiixi doono madaxweyne Deni.
Shirkad lagu magacaabo Abu Dhabi Ports Company oo hoos tagta DP World ayuu madaxweyne Deni si buuxda ugu wareejin doonaa guud ahaan maamulka dekedda Garacad ee gobolka Mudug oo markii hore lagu dhisay isku tashi bulsho.
Siciid Deni ayaa saxiixa heshiiskaasi ku qaadan doona lacag dhan $20 milyan oo lagu magacaabo “Signing bonus” sida ay tilmaamayaan macluumaad kala duwan oo aan ka helay ilo wareedyo madax-bannaan.
