Wasiir Kuxigeenka Wasaaradda Caafimaadka iyo Daryeelka Bulshada Xildh. Dr. Maxamed Xassan Maxamed Bulaale ayaa la kulmay Safiirka Boqortooyadda Sacuudi Carabiya Axmed Bin Maxamed Al-Mawlid ee dalka Soomaaliya.
Kulanka oo ka dhacay Safaaradda Sacuudiga ayaa Wasirka waxa uu ugu horayn uga mahadceliyay taageerada Dowlada Boqortooyada Sacuudi Carabiya ay ku bixiso horumarinta adeega caafimaadka, gaar ahaan bangiga dhiiga iyo xarunta lagu sifeeyo Kilyaha oo ay dad badan ka faaiidaystaan. Sidoo kale, Wasiirka ayaa safiirka ka codsaday in wali ay Wasaaradda Caafimaadka ubaahantahay taageero dheeraad ah oo lagu horumarinayo adeega daryeelka caafimaadka.
Dhanka kale, Safiirka Boqortooyada Sacuudi Carabiya ayaa ballan qaaday in ay qayb wayn ka qaadanayaan mashaariicda lagu horumarinaayo adeegga caafimaadka, waxa uuna sheegay in ay ka go’an tahay in kaalmadda Hay’adda Boqor Salmaan ay miisaaniyad dheeraad ah uga faa’iidayso dadka Soomaaliyeed.
