Madaxweynaha Jamhuuriyadda Federaalka Soomaaliya, Mudane Xasan Sheekh Maxamuud, ayaa booqasho aan la shaacin ku tagay dalka Eritrea. Madaxweynaha ayaa intii uu ku guda jiray booqashadiisa waxaa si heer sare ah loogu soo dhaweeyay garoonka diyaaradaha ee magaalada Asmara. Ka dib waxaa loo galbiyay Qasriga Madaxtooyada, halkaas oo uu kulan laba geesood ah kula yeeshay dhiggiisa dalka Ereteriya. Wada-hadalladan oo ka dhacay xarunta madaxtooyada ayaa diiradda lagu saaray horumarinta xiriirka labada dal iyo sidii loo sahamin lahaa fursadaha iskaashiga labada dal. Booqashadan ayaa astaan u ah dadaal diblumaasiyadeed oo muhiim ah oo la doonayo in lagu xoojiyo xiriirka Soomaaliya iyo Eritrea.
