cilad farsamo ayaa ku timid diyaarada Ethiopian airline ee garoonka muqdisho.
Duulimaadkii horey loo qorsheeyay ee Ethiopian Airlines ee ka bixi lahaa garoonka diyaaradaha ee Muqdisho saacadda 6-da makhribnimo kuna wajahan Addis Ababa ayaa goor dhow la baajiyay, iyadoo sababta loo cuskaday ay tahay cilad farsamo oo ku timid diyaaradda.
Rakaabka oo laga sugayay inay safarka billaabaan saacadda 3-da galabnimo ayaa ku qasbanaaday inay garoonka joogaan muddo dheer, taasoo keentay caro iyo welwel ku saabsan waqtiyada kale ee duulimaadyada. Go’aanka baajinta duulimaadka ayaa la qaadatay saacadda 11:30 habeenimo, taasoo aysan shirkaddu ku qaadan waqti ku habboon oo loogu diyaargaroobo rakaabka.
Baajinta duulimaadkan ayaa sidoo kale waxay ku qasbaysaa shirkadda Ethiopian Airlines inay magdhow siiso dhammaan rakaabka sida uu qabo sharciga duulimaadyada rayidka, gaar ahaan dhaqaalaha ku baxaya habeen dhaxa iyo khasaarihii kale ee ka dhashay baaqashada duulimaadka.
