“Diyaarado U Socday Baydhabo Oo Lagu Celiyay Garoonka Aadan Cadde.
Warar soo baxaya ayaa sheegaya in diyaarado Saakay u socday Baydhabo lagu celiyay Garoonka Aadan Cadde, hayeeshee lama sheegin sababta arrintaas ka dambaysa.
Diyaaradaha ayaa la sheegay in ay qaadi rabeen Dad Shacab ah kuwaas oo Garoonka Aadan Cadde ku xarooday Xilli hore hayeeshee amar ay bixiyeen laamaha Ammaanka ayaa lagu joojiyo Diyaaradahaas in ay Baydhabo tagaan.
Dad kala duwan ayaa arrintaan u aaneenaya khilaafka Koofur galbeed iyo Villa Soomaaliya oo gaaray heerka ugu sareeyay, sababtaasne ay keentay joojinta diyaaradahaan.
Lama sheegin in diyaaradahaan ay raaci rabeen masuuliyiin koofur galbeed ka tirsan balse ilo kala duwan ayaa sheegay in Dad Shacab ah ay ubadanyihii Rakaabka raaci lahaa Diyaaradaha loo diiday in ay Baydhabo tagaan.
Ma jiro war ka soo baxay laamaha Ammaanka iyo Maamulka Garoonka Aadan Cadde ee looga hadlay dhacdadaan.
Hayeeshee Maamulka Koofur Galbeed oo arrintaan ka hadlayne ay sheegeen in aan loo dulqaadan karin in Shacab Baydhabo u socday lagu ihaanaysto Garoonka Aadan Cadde ayna soo wadaan War weyn sida ay hadalka u dhigeen.
