Dawladda Federaalka Somalia ayaa garoonka diyaaradaha Aden Cadde ka hor istaagtay inay ka dhoofaan Xildhibaanno ka tirsan Maamulka Koonfur galbeed.
Sida aan xogta ku helnay Dawladda Federaalka ayaa liiska Xildhibaanadan dhigay garoonka si aysan uga dhoofin maadaama khilaafka DFS iyo Koonfur galbeed meel xasaasi ah maraayo.
Xildhibaanadan ayaa Dawladdu aaminsantahay inay la dareen yihiin Maamulka uu hoggaamiyo Madaxweyne Cabdicasiis Lafta gareen.Xiisadda udhaxaysa Dawladda dhexe iyo Maamulka Koonfur galbeed ayaa maraysa meeshii ugu saraysay iyadoo la filaayo in dhawaan Madaxweyne Xassan sheekh uu safar xal raadin ah ku tago Magaalada Baydhabo.
Xildhibaan Jibriin oo laga soo doortay Koonfur galbeed oo ka hadlay xildhibaano maanta loo diiday inay u safraan Baydhabo” ayaa sidaan ku qoray bartiisa Facebook.
Habdhaqanka xun ee uu ku dhaqmayo rajiimka Villa-Somalia waa wax aad loogu xumaado!Dowladnimada wuxuu moodaa guri kor ka xeran oo uu furahiisa heysto waxan si adag u cambaaraynayaa Xildhibaanada Qaran ee deegaan doorashadooda u socday ee saakay laga celiyay AirPort-ka muqdisho.
dhaqamadaan waxey tilmaamayaan fashil, talo xumo iyo rafasho meesha ugu danbeysay.Rajiimka ma oga miyaa xasaanadda uu heeysto dadkii siiyay iney yihiin Xildhibaanada Qaranka sidoo kale sharuucda dalka lagu maaamulo iney yihiin dadkii dajiyay.!
